حبايبنا

مندى حبايبنا في باكستان
 
سودانياتالرئيسيةالتسجيلدخول

شاطر | 
 

 ..... بدلا عن النيل .......السمينة في انتظار الهلال ......

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
wad karachi
حبيب برونزي
حبيب برونزي
avatar

ذكر
عدد الرسائل : 120
العمر : 30
مكان تواجدك : karachi
الجامعة التي تنتمي اليها : karachi - pharmacy
التقدير : 0
نقاط : -4
تاريخ التسجيل : 07/01/2008

مُساهمةموضوع: ..... بدلا عن النيل .......السمينة في انتظار الهلال ......   الإثنين 7 أبريل 2008 - 19:04

* بنقول مبروك الفوز للكرة السودانية بأنتصار بطلها الهلال و التأهل على حساب بطل زامبيا و الذي لو حاول ان يكون افضل من ما ظهر علية لوجد هزيمة اكبر من النتيجة التعادلية التي خرج بها وهي مكسب لة ونعني بذلك بطل زامبيا ... فألهلال بأقل مجهود وصل الى ما يريدة من هذة المرحلة برغم الارهاصات التي صاحبت بلد الفريق الخصم وهي زامبيا الاسم الكبير ....

* و برضو بنقول نصر للكرة السودانية اكان بقى قطن ولا صويا وان شاء الله يكون جاي من آخر ركن في الكون مش رواندا ولا تشاد كمان المهم انتصار للكرة السودانية وبنقول مبروك ....

* واحد اتنين تلاتة اربعة وهناك عندك في الشرق خمسة ستة وسبعة وهنا في الجزيرة تمانية تسعة و عشرة حداااشر وهلال كادقلي اتناااشر يعني اتنااااشر ونحنا هسة في السابع يعني حدااشر ناقص سبعة باقي اربعة اسابيع !!!!! سبعة ساعااات وصاحبنا يحسب باقي كم للقاء بعاااتي البلد دي ! سبعة ساعااات وصاحبنا يحسب في فرق الممتاز كم !! ولعبنا هسة كم مباراة ويطرح و يقسم !! صاحبنا دة من بعد نشرة تسعة وهو يحسب ما وقفوا الا أذان الصبح !! من نشرة تسعة بعد ما سمع انهم فازوا على وصيف رواندا اصلو هو كبكابة وما تابع المباراة وقفل اضنيهو وكل مايلاقي شلة شباب قاعدين في ناصية شارع يقول ديل اكيد فاتحين الراديو و بيسمعوا في المباراة ! يغير شارعو وياخد ملف كبير وبالطريقة دي لعند ما قاربت نشرة الرياضة في التلفزيون غطئ عيونوا وهو بيسمع في الخبر من الخوف على نتيجة المباراة وبعد سماع الخبر صاحبنا بلع ريقوا وقعد يحسب في حسبتو السبعة ساعات دي .... هو الزول دة لو جينا للجد مش معاهو حق ؟؟؟ كدي انتو بس قولو معاهو حق ولا لااالا .... ستة سنين ياجماعة و البعاتي دة يجي مرتين في السنة يأخد سمينتو ويمشي ... ستة سنين وكل مايحين موعد البعاااتي دة و الجماعة تمسكم زلعة و خوفة وكل واحد منهم يقولو ان شاء الله ما انا !!! مرتين في السنة يجي يرموا ليهو السمينة ويمشي زي حكاوي النيل زمان يرموا ليهو كل سنة اجمل فتاة!! ولو ما اكضب عليكم يمكن يكون صاحبنا دة احسن واحد في الجماعة ديل كلهم وامسكة من الوالي هسة تلقاهو بيحسب فيها ويطرح ويقسم ولو ما اكضب عليكم يمكن من هسة بيكوس ليهو في سفرية برة البلد وحاجز تزاكرو من هسة قبل المباراة بيوم !! هو ما استثماراتو كتيرة في الخارج ....... واحد من الصفوف الامامية قال لي لكن المباراة القادمة دي الهلال حتى ولو فاز ما حيتصدر الدوري لانو مباراة النيل ونقاط المباراة حتكون في الجزيرة و العرضة جنوب لشنو الخوفة دي يعني لسة عندهم امل في الدورة التانية لو خسرو الدورة الاولى !!! لكن يا خوي هي دي ماياها السمينة و بعدها تقش خشمك وتقول كدة تخش مع الكبااار في المدافرة برة البلد في ادغال افريقيا ..... ما علينا الطمنطااااشر نقطة ديل وما علينا السبعة لفات في ديلو ديل فلكل قاعدة شواذ .....

* قدر ما قلنا نسيب حكاية الدك و الرجم و الصلب دي ما قادرين .... قايتو اكان الهلال دة خلى الدك و الرجم للفرق احنا بنخليها المصطلحات دي .... نسوي شنوا !! ااااي مرضة ...... مريض بحب الهلال ولا يداوي هذا المرض غير الانتصارات الهلالية و الدك و الرجم للخصوم ..... اها الزيسكو دة رجموهو رجم بصواريخ روني موديل 2008 و بنفس المنصات القديمة ماركة سيدا .....

* يارب العالمين يكون مزمل ابوالقاسم حاضر قرعة المجموعات السنة دي برضو علشان خاطر السودان بس ... لكن طلبنا الوحيد تصور قرعة المريخ قبل قرعة الهلال الله يخليك .... سامع واحد من الصفوف الخلفية بيقول صن صن !!!! صن شنو ؟؟؟؟ خلينا حلوين يا خويا جنوب العرضة ولا جنوب افريقيا كلو جنوب و الجنوب دة حابسين منو الموية و النور لينا سنين و كدي اسألو صاحبنا الفوق داك القاعد يحسب سبعة ساعات في موعد البعاتي و سمينتو ...... واكان ما لقيتوهو ممكن تسالو حارس الاهلي المصري الحضري طفش لشنو

* هو انتو صحي سمينة الهلال حيقدموها بتين ؟؟؟؟؟؟؟؟

* سلاماااات دت كوم

_________________
one united sudan forever[img]
الرجوع الى أعلى الصفحة اذهب الى الأسفل
 
..... بدلا عن النيل .......السمينة في انتظار الهلال ......
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حبايبنا :: ~®§§][][حبايب الاخبار والسياسة والرياضة][][§§®~ :: رياضة عربية و عالمية-
انتقل الى: