حبايبنا

مندى حبايبنا في باكستان
 
سودانياتالرئيسيةالتسجيلدخول

شاطر | 
 

 ده الشمال للعاوز يشوفو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
wadalmoge

avatar

ذكر
عدد الرسائل : 12
العمر : 31
مكان تواجدك : pakistan
الجامعة التي تنتمي اليها : lumhs
التقدير : 0
نقاط : 4
تاريخ التسجيل : 28/01/2008

مُساهمةموضوع: ده الشمال للعاوز يشوفو   الخميس 19 يونيو 2008 - 12:13

شوف شمال اهلي الافاضل ليل نهار في العزة رافل
فيه مضبوع سر الاهي بدري كان تحلمبو بابل
حاضنو هو النيل بي محنه وبس عشانو هو جانا مايل
وانحنى وغير مسارو ولفة ابو حمد الدلايل
كل منابع الطيبه فيه نالبهن اعلى المنازل
وبي شعر محفوظ مخلد في دواوين الاوائل
دا اليطوف هيبة ربوعو يستفيد لو يبقى ماهل
يا يشملو نسمه عابري ماخده ريقه من الخمايل
ويا ملك وجدانو منظر يقتل الهم والبهادل
والرسول قال في حديثو ومافي اصدق منو قايل
الخدار والمويه جمبو بلثم الهم والمشاكل
يا سمعلو قصيده صادقي ترسل الاشواق قوافل
يا نغم طمبور حنين يستقر جوه الدواخل
ويا قمريتا تقوقي فوق تميره صبطه شايل
يا قعد بي ايدينو يشرب مويه صافي من الجداول
ويا يشوفلو كمان مزارع شايل الطوريه نازل
بي نشاط قاصد زراعتو والصعب بيشوفو ساهل
ويا كمان متع عيونو بي حسان زي الارايل
زوق وطيبه ادب خيالي في عفاف ما منو مايل
ويا كمان لاقوهو اهلنا بي كرم من غير مقابل
وروهو انو الدنيا لسع فيها خير وانبل خصايل
يكرموك لو جيته فوقم يجبروك لو ماكا نازل
ده الشمال يالداير تشوفو بالنهار الفيهو حاصل
اما في وقت الاماسي ليلو ضمه جميل وحافل
نتفق من بدري شله ونطلع القيزان قوافل
فيها يجمع شملنا في رباط زي العوائل
ونبدا نسأ ل عن بعضنا يا محمد وينو عادل
وشوفو يا ناس وين سيد احمد اصلو زولا ديمه ماهل
ونمسك الطمبور ننقرش لحن تنهاربو المفاصل
ونحن في عزت قعادنا يبدا واحد داير يجادل
وبي محنخ نقولو ياخي .. يا فلان خليك عاقل
خلنا النسمع معاكا ..اشتهيت بس اسي كامل
ويا فلان قلك قصيده تروي ايا منا القواحل
جايه من وجدان وصادقي ليها تهتز الجنادل
وفي الختام نطرب نغني وما بنعرف قيل وقايل
ده الشمال يالداير تشوفو رغم وصفي انا ماهو كامل
ده الكمال لله وحدو لا بينوم لا بتلقى قافل
الرجوع الى أعلى الصفحة اذهب الى الأسفل
wad karachi
حبيب برونزي
حبيب برونزي
avatar

ذكر
عدد الرسائل : 120
العمر : 30
مكان تواجدك : karachi
الجامعة التي تنتمي اليها : karachi - pharmacy
التقدير : 0
نقاط : -4
تاريخ التسجيل : 07/01/2008

مُساهمةموضوع: رد: ده الشمال للعاوز يشوفو   الجمعة 20 يونيو 2008 - 16:50

تسلم ياود الموج

كلام درر

_________________
one united sudan forever[img]
الرجوع الى أعلى الصفحة اذهب الى الأسفل
tamir



ذكر
عدد الرسائل : 1
العمر : 27
مكان تواجدك : jamshoro
الجامعة التي تنتمي اليها : M.U.E.T
التقدير : 0
نقاط : 1
تاريخ التسجيل : 20/04/2009

مُساهمةموضوع: رد: ده الشمال للعاوز يشوفو   السبت 25 يوليو 2009 - 10:06

تسلم يا ودالموج

والله دا الشمال
[right]
الرجوع الى أعلى الصفحة اذهب الى الأسفل
 
ده الشمال للعاوز يشوفو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حبايبنا :: ~®§§][][ أدارة حبايبنا ][][§§®~ :: سلة المهملات-
انتقل الى: